قرأت هاد الموضوع في واحد من المواقع وعجبني كتير شكلو الاخ الي كاتبوا بعاني
اليوم بدي إحكيلكم شغلة بصراحة زاعجتني كثير ....وبدي رأيكم وبصراحة...!
وهي سخافة معظم شاشتنا العربية الحالية , يعني نحنا بالوطن العربي عنا أكثر من ألف قناة عربية بس للأسف مافي ولا وحدة بتتابع .......
ولأنو البعض معي بالموضوع وعلى قولتهم إنو ما فينا نحكي عنو دفعة وحدة لقيت إنو نجزئه لعدة أقسام متتالية وبتمنى الكل يعبر عن رأيه بصراحة.....ومعليش بدون سبسبة عالقنوات العربية.......
واسمحولي بلش بالقصة اللي دفعتني لكتابة موضوعي .......
أنا وعم قلب بالمحطات استوقفتني إحدى محطات الأغاني (كثار ما شاء الله) بسؤال طارحته كمسابقة مثل ما الكل بيعرف..........
الجائزة محرزة : 20000 دولار وطبعاً ما حدا بيربح
والشي اللي بالفعل بيزعج إنو السؤال هو:
أم قمر عندها أربع بنات _فريدة وحميدة ومجيدة _شو إسم البنت الرابعة....؟
الأسخف من هيك إنو بشارك واحد وما بيعرف الجواب
والمذيعة بتطلب من المشاركين تجنب الاجوبة المتكررة...........
ياترى ......هل وصل مخ المشاهد العربي للدرجة المتدنية اللي ما بتخولو يجاوب على هيك سؤال ...ولا هاد استسخاف صريح للمواطن العربي ........
أحدهم همس في أذني ساخراً فقال : بركي أم قمر اسم الدلع ومو اسمها الحقيقي بس مشان يخربطو المشاهدين.......
مثل هذه المسابقات ذات الأسئلة الذكية منتشرة كثير مثل ما بتعرفوا وما حدا بيحزر الجواب طبعاً.....
ولتشوفوا الحقيقة تابعو بعض المسابقات عالقنوات الأجنبية ......وشوفوا الفرق..........!!!
طبعاً هي أول شغلة بتزعجني ولسا في كثير...إذا سمحتولي.....وعم استنى آراؤكم
مع تحياتي لرحابة صدركم...........